Solisyon Sante Piblik (PHS) ap chanje rapidman fason nou travay epi ap amelyore sèvis nou yo pou satisfè bezwen sante k ap grandi nan fanmi vilnerab nan Vil Nouyòk, akoz pandemi COVID-19 la. Klike la a pou w aprann plis bagay sou Fon Repons COVID-19 nou an .
Nou konnen kominote nan vil la ki pa gen anpil resous yo depann de nou pou manje ak nitrisyon, asirans sante, sante matènèl ak timoun, epi sante seksyèl ak repwodiktif – ni atravè sèvis dirèk PHS yo nan kominote yo, ni atravè sèvis kontra ak jesyon nou yo ki asire ke finansman sibvansyon an rive kote ki pi nesesè a.
Pi gwo sousi nou se pwoteje sante ak sekirite kliyan nou yo ak anplwaye nou yo. Nou te aji rapidman pou aplike chanjman imedya nan sèvis nou yo pou evite pwopagasyon nan kominote a epi asire yon swen san enteripsyon pou fanmi yo ak moun ki konte sou nou. Men kèk nouvèl enpòtan:
- Sant WIC PHS yo nan katye a , ki sèvi plis pase 30,000 manman ak timoun, kounye a ouvè epi yo fonksyone ak orè modifye. N ap pran tout prekosyon nesesè yo nan entèraksyon avèk kliyan k ap chèche sipò manje ak nitrisyon, pandan n ap travay avèk Depatman Sante Eta New York ak Asosyasyon Nasyonal WIC la pou nou fè evalyasyon ak konsèy nitrisyon vityèl, epi pou nou bay benefis WIC yo elektwonikman.
- Tout sèvis Enskripsyon Asirans Sante ak Asistans SNAP an pèsòn yo sispann jiskaske yo bay plis avi. Toulede sèvis sa yo disponib kounye a sou entènèt. Navigatè asirans sante yo ak moun k ap enskri pou SNAP yo ap ede kliyan yo pa telefòn epi konekte yo ak sèvis yo bezwen ijan pandan tan sa a.
- Sant Sante Seksyèl ak Repwodiktif yo rete ouvè ak lè ouvèti redwi, epi yo ofri vizit a distans pou tout bezwen swen sante ki pa esansyèl. Sant sante yo te aplike tou pwotokòl pou izole nenpòt ka potansyèl COVID-19 pandan y ap asire pasyan nou yo ka resevwa tès depistaj sante, dyagnostik ak tretman. Anplwaye nou yo ap travay tou an kowòdinasyon ak patnè nou yo nan Brownsville ak Fort Greene, pou sistèm sante jeneral la gen otan kapasite ke posib pandan epidemi an nan vil nou an.
- Tout pwogram vizit lakay pou Sante Manman ak Timoun PHS yo kounye a ap fèt adistans. Sèvis sipò pou patisipan ki enskri yo ap bay atravè sesyon telefòn ak videyo pou sèvis esansyèl tankou swen prenatal ak apre akouchman. Nouvo patisipan yo akeyi pandan tan sa a. Tanpri tcheke paj pwogram endividyèl yo pou enfòmasyon kontak.
- Pwogram PHS pou lojman san lafimen nan vil Nouyòk la ap fonksyone kounye a. Sepandan, aktivite sosyal oswa rasanbleman tankou aktivite Reyalite , reyinyon, prezantasyon lokatè/komisyon konsèy administrasyon lojman san lafimen yo limite a entèraksyon dijital sèlman.
N ap travay tou avèk gouvènman vil la ak gouvènman eta a pou nou deplwaye finansman an rapidman e avèk efikasite kote ki pi nesesè a:
- Sèvis Kontra ak Jesyon PHS la ap sipòte Depatman Sante ak Ijyèn Mantal Vil Nouyòk (NYC DOHMH) kounye a, nan wòl nou kòm ajan fiskal DOHMH la, nan jesyon $18.6 milyon dola nan finansman repons a kriz ki soti nan CDC a. Finansman repons a kriz sa a fèt pou depatman sante yo ka fè siveyans, epidemyoloji, ranfòsman kapasite laboratwa, kontwòl ak rediksyon enfeksyon, kominikasyon, ak lòt aktivite preparasyon ak repons kritik.
- Ekip la ap travay tou an patenarya ak Depatman Sèvis pou Moun ki Sanzabri, epi finanse pa plizyè fondasyon, PHS ap akselere kontra ak peman pou yon liy triyaj enfimyè pou kliyan ki sanzabri nan sistèm abri a.
Nou patikilyèman rekonesan pou efò anplwaye devwe nou yo ki nan premye liy epidemi COVID-19 la epi ki kontinye bay kliyan nou yo yon swen ekselan. N ap siveye sitiyasyon an deprè epi n ap mete sit entènèt nou an ajou lè bagay yo chanje.
Nan moman kriz sa a, travay nou pi enpòtan pase tout tan.
Epidemi COVID-19 la deja kòmanse afekte Nouyòkè vilnerab yo yon fason ki pa pwopòsyonèl – travayè ki touche lajan chak jou yo ap twouve yo san travay epi pèdi asirans sante; manman ansent ki gen ti revni ap fè fas ak ensètitid sou fason pou yo pran swen sante pa yo ak sante pitit yo; granmoun ki pa ka soti lakay yo pi izole pase tout tan; timoun ki gen laj lekòl yo toudenkou lakay yo tout lajounen epi yo pa gen aksè a manje lekòl gratis oswa a pri abòdab pou nitrisyon chak jou yo.
Pandan pi plis nan kominote ki gen gwo bezwen sa yo ap chèche sèvis tankou WIC, SNAP ak asirans sante, travayè premye liy PHS yo ap prepare pou reponn a yon demann k ap ogmante pou asire ke okenn Nouyòkè pa tonbe nan fant yo.
Ede nou elaji sèvis nou yo lè w pataje travay nou ak lòt moun oubyen lè w fè yon don nan Fon Repons COVID-19 nou an isit la.
Rete an sekirite epi an sante,
Lisa David.
